پشاور(وقائع نگار خصوصی) قومی احتساب بیورو(نیب) نے پی ٹی آئی کے دور حکومت میں خیبر پختونخوا کے انفارمیشن ڈیپارٹمنٹ کے سوشل میڈیا ونگ میں بھرتی ہونے والے 15سو افراد کے خلاف گھیرا تنگ کردیا اور انہیں تحقیقات کے سلسلے میں پیشہونے اور تحقیقات کا حصہ بننے کی ہدایت کردی گئی۔ پاکستان ٹائم کو دستیاب معلومات کے مطابق طلب کیے گئے سینکڑوں ملازمین بطور کنٹینٹ ڈویلپر کام کرتے رہے، کے پی انفارمیشن ڈیپارٹمنٹ کے سوشل میڈیا ونگ میں بھرتیاں پی ٹی آئی دور حکومت میں کیں،سوشل میڈیا ونگ میں کام کرنے والے ملازمین کو ریکارڈ سمیت تفتیشی ٹیم کے روبرو طلب کر لیاگیا ہے ۔ ذرائع کا دعوی ہے کہ خیبر پختونخوا انفارمیشن ڈیپارٹمنٹ میں سوشل میڈیا ونگ میں 1500افراد خلاف ضابطہ بھرتی کیے گئےاوران بھرتیوں پر 28کروڑ روپے خرچ ہوئے ہیں ، یہ رقم سوشل میڈیا ونگ میں تنخواہوںاور دیگر مراعات کی مد میں خرچ کی گئی۔
