ملتان (وقائع نگار خصوصی)سینئر سیاستدان جاوید ہاشمی نے حلقہ این اے 149 پر الیکشن سے دستبردار ہونے کا اعلان کردیا اور کہا کہ عوام ایک سوال کرتے ہیں کیا ہمارے حالات ٹھیک ہو جائیں گے؟ میرے پاس عوام کے سوال کا کوئی جواب نہیں ہوتا،پی ٹی آئی کے عامر ڈوگر نے حمایت مانگی تو اسکی مہم چلائوں گا۔ میڈیا سے گفتگو کرتے ہوئے جاوید ہاشمی نے کہا کہ ہمارے ملک میں جس کی لاٹھی ہوتی ہے اسی کی بھینس ہوتی ہے، تحریک انصاف اس وقت مشکلات کا شکار ہے، جبعمران لاڈلے تھے تو میں نواز شریف کے ساتھ کھڑا ہوا، سیاستدان ہی عالمی دبائو کو برداشت کرسکتے ہیں، نواز شریف نے اقتدار کے لیے سمجھوتہ کیا ہے۔ جاوید ہاشمی نے کہا کہ شاہ محمود قریشی کو ہم جانتے ہیں وہ ملک کا باغی نہیں، سائفر کا کیس کوئی کیس نہیں۔
