حیدرآباد(وقائع نگار خصوصی )پاکستان پیپلز پارٹی(پی پی پی)رہنما مولا بخش چانڈیو نے لفظ لاڈلے کا مفہوم بتادیااور کہا کہ لاڈلا انہیں کہتے ہیں جنہیں سہولیات کے ساتھ آگے لایا جائے۔
میڈیا سے گفتگو کرتے ہوئے مولا بخش چانڈیو نے کہا ہے کہ اصل بات سیاسی اصول قائم رکھنا ہے، ملک میں سیاست کو بہت گندا کردیا گیا ہے، ملک میں سیاست کو بہت گندا کیا گیا، کچھ سیاستدان ایسے ہیں جنہیں سیاستدان کہنا سیاست کی توہین ہے۔
ان کامزید کہناتھاکہ اچھی سیاست کرنا مشکل ہوگیا ہے، پتہ نہیں چلتا حقیقی سیاستدان کون ہے، ایک بات مشترکہ ہے کہ پی پی کے خلاف اتحاد بنا ہے، پیپلز پارٹی ایسی قوت ہے کہ مل کر اس کا مقابلہ کرنا پڑتا ہے۔
