اسلام آباد (سٹاف رپورٹر)پاکستان میں عام انتخابات کیلئے گہما گہمی شروع ہوگئی ہے ، سڑکوں پر بھی بینرز لگنے شروع ہوگئے ، ایسے میں الیکشن کمیشن آف پاکستان نے سال 2024 کے عام انتخابات کے لیے پوسٹل بیلٹ پیپرز کی فراہمی کا عمل شروع کر دیا۔
ای سی پی اعلامیہ کے مطابق پوسٹل بیلٹ پیپر سے اہل افراد 22 جنوری تک اپنا ووٹ کاسٹ کرنے کا عمل مکمل کریں گے اور اس کیلئے درخواست فارم الیکشن کمیشن کی ویب سائٹ سے ڈائون لوڈ کیا جا سکتا ہےجسے پر کرکے ووٹر مقررہ وقت کے مطابق ڈسٹرکٹ ریٹرننگ افسر کو بھجوائے گا۔
