لاہور (سٹاف رپورٹر) تحریک انصاف کے صدر پرویز الہی کی اہلیہ نے مور کےانتخابی نشان کے لیے لاہور ہائیکورٹ سے رجوع کرلیا۔ تفصیلات کے مطابق قیصرہ الہی نے لاہور ہائی کورٹ میں حلقہ این اے 64 اور پی پی 32 میں مور کے انتخابی نشان کے لیے درخواست دائر کی ہے جس میں موقف اپنایا کہ لاہور ہائی کورٹ نے ان کے کاغذات نامزدگی منظور کرنے کا حکم جاری کیا ہے مگر الیکشن کمیشن نے ابھی تک انتخابی نشان الاٹ نہیں کیا۔ ان کامزید کہناتھاکہ دونوں حلقے ایک ہی علاقہ میں واقع ہیں اور ان حلقوں میں کسی بھی امیدوار کو مور کا انتخابی نشان الاٹ نہیں کیا گیا ، استدعا ہے کہ عدالت الیکشن کمیشن کو انہیں مور کا نشان الاٹ کرنے کا حکم دے۔
