لاہور (سٹاف رپورٹر) مسلم لیگ ن کے قائد نوازشریف نے معاشی ماہرین کیساتھ مل کر مہنگائی سے نجات کا مبینہ منصوبہ بنالیا اور اسے حتمی شکل دے دی ہے،ٹیکس اصلاحات، زراعت، صنعت اور آئی ٹی کی ترقی کے لیے مراعات پر مبنی پیکج تیارکرلیا گیا۔ روزگار کی فراہمی اور نوجوانوں کو ہنرمند بنانےکے لیے پالیسی نکات مرتب کیےگئے۔ تفصیلات کے مطابق اجلاس میں شہباز شریف بھی شریک ہوئے ہیں جس دوران ملکی معاشی مسائل کے حل کے لیے اصلاحات اور تجاویز پر غور کاگیا۔اجلاس میں توانائی بحران کے خاتمے، بجلی اور گیس کی قیمتوں میں کمی کے نکات طےپائے ہیں۔ مریم نواز کےترجمان کا کہنا ہےکہ زراعت کے لیے خصوصی رعایت پر شمسی توانائی میں مراعات کا تعین بھی پیکج میں شامل ہے، گھریلو صارفین کو بجلی کی فراہمی میں بڑی مراعات کا تعین ، تعلیم، صحت اور انفرااسٹرکچر کے لیے بڑے منصوبوں کی ترجیحات بھی طے کی گئیں۔
