لاہور(نمائندہ خصوصی) سابق وزیراعظم شاہدخاقان کے مسلم لیگ ن کے قائدنوازشریف بارے بیان پرلیگی رہنما مصدق ملک کاردعمل بھی آگیا اور کہاکہ شاہدخاقان عباسی ہمارے دوست رہے ہیں انکے بیان پر تبصرہ نہیں کرنا چاہتا، جو بھی نوازشریف کے اقتدار کے متعلق بات کی وہ درست نہیں کی۔ الحمراہال میں گفتگو کرتے ہوئے مصدق ملک کاکہناتھاکہ شاہد خاقان عباسی آج جس جماعت پر تنقید کررہے ہیں،وہ ساری زندگی اس جماعت کا حصہ رہے ہیں، جنہوں نے قانون کو بے پناہ پامال کیا ان کے ساتھ جزا اور سزا ہونی چاہیے،لوگ کہتے ہیں نوازشریف کے آنے سے لیول پلیئنگ فیلڈ ختم ہوگیا، میرا خیال ہے کہ جب بھی جمہوریت میں مداخلت ہوتی ہے وہ غلط ہوتا ہے، نوازشریف قد آور شخصیت ہیں ان کے آنے سے تہلکہ مچ جاتا ہے۔ ان کا کہنا تھا کہ پنجاب میں ن لیگ زیادہ عرصے تک اقتدار میں رہی اورسب سے زیادہ ترقیاتی کام کروائے، باقی سیاسی جماعتوں کا ن لیگ سے موازنہ کریں تو دودھ کا دودھ اور پانی کا پانی ہو جائے گا۔
