ریاض(نمائندہ خصوصی)سعودی عرب نے اقامہ کے لیے 5نئی کیٹگریز متعارف کرانے کا فیصلہ کرلیا، منفرد اقامہ کے حامل افراد کو سعودی عرب میں رہائش اور کام کرنے کے علاوہ دیگر متعدد سہولتیں حاصل ہوں گی۔ سعودی عرب کے منفرد اقامہ مرکز کے سربراہ ڈاکٹر ماجد بن عبد اللہ القصبی نے کہا ہے کہ ملک کو عالمی توجہ کا مرکز بنانے کے لیے نئی کیٹگریز متعارف کرائی جارہی ہیں، ا ن کیٹگریز میں غیر معمولی کارکردگی کے حامل افراد ، صحت، علمی یا تحقیقی شعبوں میں غیر معمولی کارکردگی دکھانے والے شامل ہیں، ہنر مندی کی بنا پربھی کیٹگری الگ ہوگی اور اس میں وہ لوگ ہوں گے جو ثقافتی یا کھیلوں میں یا کسی بھی شعبے میں غیر معمولی ہنر مندی دکھانے کے قابل ہوں گے، سرمایہ کاروں اور تجارتی و جائیداد کی ملکیت وغیرہ کے لیے الگ کیٹگری ہوگی ۔
