اسلام آ باد (سٹاف رپورٹر ) نو مئی کے واقعات کی تحقیقات اور ذمہ داران کے تعین کے لیے نگران وفاقی حکومت کی جانب سےکابینہ کمیٹی تشکیل دے دی گئی۔ پاکستان ٹائم کے مطابق تحقیقات کیلئے کابینہ کمیٹی نگران وزیراعظم انوار الحق کاکڑ کی ہدایت پرتشکیل دی گئی، 5 رکنی کمیٹی کے قیام کا نوٹیفکیشن بھی جاری کر دیا گیا ہے۔ نوٹیفکیشن کے مطابق کابینہ کمیٹی کی سربراہی نگران وزیر قانون احمد عرفان اسلم کریں گے جبکہ دیگر ارکان میں ں وزرائے داخلہ ، اطلاعات اور انسانی حقوق بھی شامل ہوں گے۔
