اسلام آباد(سٹاف رپورٹر) سینیٹ میں الیکشن موخر کرنے کی قرارداد منظور ہو نے پر تحریک انصاف کے مرکزی رہنما اور امیدوار شیرافضل مروت برس پڑے اور کہا ہے کہ اس قرارداد کو پاس کرنے والے تمام سینیٹرز پر آرٹیکل 6 لاگو ہوتا ہے۔ پاکستان ٹائم کے مطابق قرارداد کی منظوری پر اپنے ردعمل میں شیر افضل مروت نے کہا ہے کہ سینیٹ میں عام انتخابات ملتوی کرنے کی قرارداد منظور کرنا آئین پر حملہ ہے،آج آئین کو پامال کیا گیا ہے، آئین میں کوئی شق ہی نہیں کہ انتخابات ملتوی ہوں۔ ایک سوال کے جواب میں ان کاکہناتھاکہ سینیٹ آئین کے منافی کوئی قرارداد منظور ہی نہیں کرسکتا۔
