اسلام آباد(سٹاف رپورٹر)سٹیٹ بینک کی جانب سے زرمبادلہ کے ذخائر کے اعداد و شمار کی ہفتہ وار رپورٹ جاری کی گئی ہے۔
”پاکستان ٹائم “کے مطابق گزشتہ ہفتے زرمبادلہ کے سرکاری ذخائر میں 46 کروڑ 41 لاکھ ڈالر کا اضافہ ہوا،29دسمبر تک زرمبادلہ کے سرکاری ذخائر کی مالیت 8 ارب 22 کروڑ 12 لاکھ ڈالر ریکارڈ کی گئی۔کمرشل بینکوں کے ذخائر میں 9 کروڑ 92 لاکھ ڈالر کی کمی ہوئی،کمرشل بینکوں کے پاس 4 ارب 99 کروڑ 94 لاکھ ڈالر کے ذخائر موجود ہیں۔سٹیٹ بینک کے مطابق زرمبادلہ کے مجموعی ملکی ذخائر 13 ارب 22 کروڑ 6 لاکھ ڈالر کی سطح پر ہیں۔
