کراچی(نمائندہ خصوصی)پاکستان پیپلزپارٹی کے انتخابی جلسوں کا ابتدائی شیڈول سامنے آگیا ، پارٹی چیئرمین بلاول بھٹو زرداری خیبرپختونخوا، پنجاب، سندھ اور بلوچستان کے مختلف شہروں میں 30 سے زائد جلسے کریں گے۔ پیپلزپارٹی کے ذرائع کے مطابق 10 جنوری کو صوابی ، 11 جنوری کو تاندلیانوالہ فیصل آباد، 12 جنوری کو لیہ، 13 جنوری کو بہاولپور،14 جنوری کو نصیرآباد بلوچستان ،اسی دن شام خیرپور،15 جنوری کو لاڑکانہ،16 جنوری کو قمبر شہداد کوٹ،17 جنوری کی صبح بدین اور شام میں سانگھڑ میں جلسہ ہوگا۔ اسی طرح 18 جنوری کی صبح نوشہرو فیروز، شام میں میہڑ دادو، 19 جنوری کو رحیم یار خان ،20 جنوری کو کوٹ ادو اور 21 جنوری کو لاہور میں جلسہ سے بلاول بھٹو زرداری خطاب کریں گے ۔اس کے بعد چنیوٹ میں 23 جنوری اور سرگودھا میں 24 جنوری کو جلسہ ہوگا۔ دیگر علاقوں میں لالہ موسی،ملتان، پشاور ، راولپنڈی ، کرم ، ڈیرہ اسماعیل خان، مالاکنڈ، خضدار، شکارپور، کشمور، جیکب آباد ،لاڑکانہ، میرپور خاص، حیدرآباد اور کراچی شامل ہیں جہاں جلسے ہوں گے ۔
