اسلام آباد(سٹاف رپورٹر) مقررہ تاریخ پر عام انتخابات یقینی بنانے کے لیے الیکشن کمیشن کی تیاریاں زورو شو ر سے جاری ہیں، ایسے میں اب تک 5 لاکھ 79 ہزار 191 افراد کی ضروری تربیت مکمل ہو گئی، چار لاکھ افراد کی تربیت یکم فروری تک تکمیل کو پہنچے گی ۔ الیکشن کمیشن کے مطابق انتخابی عملہ میں ڈی آر اوز، آر اوز، پریذائیڈنگ اور اسسٹنٹ پریذائیڈنگ افسران شامل ہیں، تربیتی پروگرام سے غیر حاضرعملہ کیخلاف تادیبی کارروائی کی جا رہی ہے۔مرکزی کنٹرول روم 26 دسمبر 2023 سے مکمل فعال ہے، مرکزی کنٹرول روم میں اب تک 45 شکایات موصول ہوئیں، موصول ہونے والی تمام شکایات کا ازالہ ہوچکا ہے۔
