سڈنی(سپورٹس ڈیسک)پاکستان اور آسٹریلیا کے درمیان ٹیسٹ میچز کی سیریز کے تیسرے اور آخری میچ میں قومی ٹیم نے پہلی اننگز میں 313 رنز بنا کر آوٹ ہوگئی۔ محمد رضوان،سلمان علی آغا اور عامر جمال نے ذمہ دارانہ بیٹنگ کرتے ہوئے نصف سنچریاں سکور کیں۔
تیسرے ٹیسٹ میں آسٹریلیا کے خلاف پاکستان نے ٹاس جیت کر بیٹنگ کا فیصلہ کیا لیکن اچھا ثابت نہ ہوا اور قومی ٹیم مشکلات کی شکار ہو گئی،ابتدائی اوورز میں ہی، 5 وکٹیں گنوا دیں۔اوپنر عبداللہ شفیق صرف بغیر کوئی رنز بنائے پویلین لوٹ گئے اور سٹارک کی گیند پر اسمتھ کے ہاتھوں کیچ آوٹ ہوئے۔صائم ایوب نے بھی کوئی جارحانہ اننگز نہ کھیلیں اور صرف دو رنز بنا کر ہیزل وڈ کی گیند پر وکٹ کیپر کے ہاتھوں میں کیچ تھما کر پویلین لوٹ گئے۔بعدازاں بابر اعظم اور شان مسعود نے سکور کو آگے بڑھایا لیکن بابر اعظم بھی 26 رنز بنا کر آوٹ ہو گئے،پیٹ کمنز نے انہیں ایل بی ڈبلیو آوٹ کیا۔سعود شکیل بھی 5 رنز کے مہمان رہے۔محمد رضوان نے جارحانہ اننگز کھیلتے ہوئے نصف سنچری سکور کی لیکن وہ 103 گیندوں پر 88 رنز بنا کر پیٹ کیومنز کی گیند پر جوش ہیلزوڈ کو کیچ دے بیٹھے۔ساجد خان 15 رنز بنا کر پیٹ کیومنز کی گیند پر نتھن لیون کو کیچ دے بیٹھے۔سلمان علی آغا نے بھی 66 گیندوں پر نصف سنچری سکور کی اور مچل سٹارک کی گیند پر ٹریوس ہیڈ کو کیچ دے بیٹھے،جس کے یکے بعد حسن علی بغیر کوئی رن بنائے آوٹ ہو گئے۔بعدازاں عامر جمال نے ذمہ درانہ اننگز کھیلی اور اپنے ٹیسٹ کیریئر کی پہلی نصف سنچری سکور کی۔
