نارووال(بیورو رپورٹ)پاکستان مسلم لیگ ن کے رہنما اور سابق وفاقی وزیر دانیال عزیز نے کہا ہے کہ مہنگائی پر میرے 30 نومبر کے بیان کو مخالفین غلط استعمال کر رہے ہیں۔
”پاکستان ٹائم“کے مطابق دانیال عزیز نے کہا کہ مخالفین میرے بیان کو ن لیگ کو مہنگائی کا ذمے دار قرار دینے کے لیے استعمال کر رہے ہیں،بیان کا مقصد احسن اقبال کی بطور سربراہ پرائس مانیٹرنگ کمیٹی حوصلہ افزائی کرنی تھی، میرا مقصد تھا احسن اقبال مہنگائی کی اصل وجوہات کو منظر عام پر لائیں،احسن اقبال مہنگائی سے فائدہ اٹھانے والوں کو منظر عام پر لائیں،میرا مقصد کسی فرد کو بدنام نہیں کرنا تھا،مقصد تھا عوام کو مہنگائی کی اصل وجوہات اور اس سے فائدہ اٹھانے والوں کا بتاوں،احسن اقبال نے درست نشاندہی کی کہ شرح سود اور ایکسچینج ریٹ مہنگائی کی وجہ ہیں۔انہوں نے کہا کہ احسن اقبال نے درست نشاندہی کی کہ پیسے کی سپلائی بھی مہنگائی کی وجہ ہے،میرا ارادہ ہے کہ مہنگائی کے حقائق اور اس سے فائدہ اٹھانے والوں کو بے نقاب کروں،میرے بیان کو احسن اقبال یا مسلم لیگ ن کے خلاف نہ سمجھا جائے،احسن اقبال یا جماعت کو پہنچنے والے کسی بھی نقصان پر افسوس ہے۔
