عمران خان اور بشریٰ بی بی کی ایک اور مقدمے میں ضمانت میں توسیع، خاتون کو حاضری لگا کر جانے کی اجازت مل گئی

اسلام آباد (سٹاف رپورٹر) پاکستان تحریک انصاف کے بانیعمران خان اوران کی بشریٰ بی بی کی ایک اور مقدمے میںڈسٹرکٹ اینڈ سیشن کورٹس اسلام آباد نے جنوری کے وسط تک ضمانت میں توسیع کردی اور بشریٰ بی بی کو حاضری لگا کر جانے کی اجازت مل گئی ۔ پاکستان ٹائم کے مطابق منگل کو ڈیوٹی جج احمد ارشد محمودنے عمران خان کیخلاف چھ اور بشری بی بی کیخلاف ایک مقدمہ پر سماعت کی،دوران سماعت ڈیوٹی جج نے استفسار کیا کہ درخواست گزار کا وکیل کون ہے، تفتیشی افسر کدھر ہے؟پراسیکیوشن کی جانب سے کوئی بھی عدالت میں پیش نہ ہوا جس پر عدالت نے بشری بی بی کی جعلی رسیدوں کے کیس اور بانی پی ٹی آئی کی 6مقدمات میں ضمانت قبل از گرفتاری میں توسیع کرتے ہوئے کیس کی مزید سماعت 16 جنوری ملتوی کر دی۔