لاہور(سٹاف رپورٹر)صوبائی دارالحکومت کے حلقہ این اے 122سے سابق چیئرمین پی ٹی آئی عمران خان کے کاغذات نامزدگی مسترد کرنے کا تحریری فیصلہ جاری کر دیا گیا جس میں کہاگیا ہے کہ عمران خان کو آئین کے آرٹیکل 63ون کے تحت نااہل کیا گیا، شکایت کنندہ کے اعتراضات قانونی ہیں۔ فیصلے میں کہاگیا ہے کہ ایڈیشنل سیشن جج نے عمران خان کو اخلاقی پستی کے جرم میں سزا سنائی گئی اورنااہلی پانچ سال کیلئے ہوئی،فیصلے کے مطابق چیئرمین پی ٹی آئی کی نااہلی بھی معطل یا کالعدم نہیں ہوئی۔یادرہے کہ عمران احمد خان نیازی کے کاغذات نامزدگی پر پر سابق لیگی ایم پی اے میاں نصیر احمد نے اعتراضات دائر کیے تھے۔
