پشاور(سٹاف رپورٹر) پاکستان تحریک انصاف کے منحرف رہنما اور پبلک اکانٹس کمیٹی کے چیئرمین نور عالم خان نے جمعیت علما اسلام میں شمولیت کا اعلان کردیا، انہوں نے یہ اعلان پریس کانفرنس کے دوران کیا۔ نور عالم خان نے مولانا فضل الرحمان کی قیادت پر اعتماد کا اظہار کرتے ہوئے کہا کہ مولانا کی قائدانہ صلاحیتوں پر اعتماد ہے، تاخیرہوگئی ورنہ پہلے ہی جے یو آئی میں آجاتا، لاڈلے کی بات ہوتی ہے کیونکہ جیل میں اسے سہولیات اور دیسی مرغے ملتے ہیں، چیف جسٹس اس صورت حال کانوٹس لیں۔ کمیٹی چیئرمین کاکہناتھاکہ میں جس پارٹی کے بھی ساتھ ہوں لیکن ہم غلام نہیں ہوںکہ پاکستان کی سالمیت کے خلاف کام کروں گا، احتجاج سب کرتے ہیں لیکن اداروں پرحملے نہیں کیے جاتے، غلط لوگوں سے راستہ بدلاجائے توغلط نہیں۔
