کراچی(نمائندہ خصوصی) جماعت اسلامی نے شفاف انتخابات کیلئے چاروں صوبوں کے گورنرز کو بھی ان کے عہدوں سے ہٹانے کا مطالبہ کردیااور کہاہے کہ شہر میں عمارتوں کی تعمیر کے ضوابط رشوت کے لیے نظر انداز ہوئے، کراچی میں غیر قانونی عمارتوں کی بھرمار ہے، ان میں حفاظتی راستے نہیں۔ پریس کانفرنس سے خطاب کرتے ہوئے امیرِ جماعتِ اسلامی کراچی حافظ نعیم الرحمن نے کہا کہ مردم شماری میں کراچی کی مخصوص آبادیوں کی گنتی کم کی گئی تاکہ من پسند حلقہ بندی ہو،الیکشن کمیشن خود اپنے احکامات پر عمل پیرا نہیں ہو رہا، ملک بھر میں حلقہ بندیوں میں بھی تضاد ہے۔
