کراچی (سٹاف رپورٹر)ریٹرننگ افسر کی جانب سےکراچی ضمنی بلدیاتی انتخابات2023 کے غیر حتمی غیر سرکاری نتائج جاری کردیے گئےہیں۔
”پاکستان ٹائم “ کے مطابق ضلع جنوبی صدر ٹاون کی یوسی 12پرپیپلزپارٹی کامیاب ہوئی ہے۔غیر حتمی نتائج کے مطابق ضلع جنوبی صدر ٹاون کی یوسی 13پرپیپلزپارٹی نے کامیابی سمیٹی ہے جبکہ ضلع ملیر گڈاپ ٹاون کی یوسی ایک پر بھی پیپلزپارٹی نے میدان مار لیا ہے۔غیر حتمی غیر سرکاری نتائج کے مطابق ضلع ملیر گڈاپ ٹاون کی یوسی 7پر بھی پیپلزپارٹی جیت گئی ہے، اسی طرح غیر سرکاری نیتجہ کے مطابق ضلع کیماڑی ماڑی پورٹاون کی یوسی 3پرپیپلزپارٹی بھی کامیابی حاصل کی۔غیر حتمی غیر سرکاری نتیجہ کے مطابق ضلع وسطی ناظم آباد ٹاون کی یوسی 5 پرجماعت اسلامی فاتح قرار پائی ہے،غیر سرکاری نتائج کے مطابق ضلع شرقی جمشیدٹاون کی یوسی 6پر بھی جماعت اسلامی کامیاب ہوئی۔غیر حتمی غیر سرکاری نتائج کے مطابق ضلع جنوبی صدرٹاون کی یوسی نمبر 6پر پاکستان تحریک انصاف نے کامیابی حاصل کر سکی ہے۔جبکہ غیر سرکاری غیر حتمی نتیجہ کے مطابق ضلع ملیر مرادمیمن گوٹھ کی یوسی 2پرآزادامیدوارکامیاب ہوئے ہیں۔
