احمد آباد (مانیٹرنگ ڈیسک) پاکستان کی ٹیم یکے بعد دیگرے وکٹیں گرنے کے باعث مشکل کا شکار نظر آ نے لگی ۔
احمد آباد کے نریندر مودی کرکٹ اسٹیڈیم میں کھیلے جانے والے میچ میں سعود شکیل چار ،افتخار احمد 6اور رضوان 49رنز پر آﺅٹ ہو کر پویلین لوٹ گئے ،پاکستان نے ابتک 34اوور میں 168سکور کیے ہیں اور اس کی 6وکٹیں گر چکی ہیں ۔ نریندر مودی کرکٹ اسٹیڈیم میں کھیلے جانے والے میچ میں بھارتی کپتان نے ٹاس جیت پہلے فیلڈنگ کرنے کا فیصلہ کیااور پاکستان کو بیٹنگ کی دعوت دیدی،روہت شرما نے کہا کہ رات میں اوس کے امکانات ہیں اس لیے پہلے بالنگ کرنا چاہتے ہیں۔اس موقع پر قومی ٹیم کے کپتان بابراعظم نے کہا کہ ہم پر بھارت کیخلاف میچ کا کوئی دباﺅنہیں تاہم فیلڈنگ میں بہتری کی گنجائش ہے، ہماری کوشش ہوگی کہ بڑا سکور کریں اور بھارت کو اس کی اپنی سر زمین پر شکست دیں ۔
