شرقپور شریف (سٹاف رپورٹر)پاکستان مسلم لیگ ن کے سینئر رہنما اور سابق وفاقی وزیر رانا تنویر حسین نے کہا ہے کہ ملک میں کسی اور سیاسی جماعت کی گنجائش نہیں،ملک میں پہلے ہی بہت سیاسی جماعتیں ہیں۔
یہ بھی پڑھیں:سیاستدان اور جرنیل زور لگا رہے ہیں لیکن۔۔۔۔مولانا فضل الرحمان نے پریشان کن اشارہ دے دیا
صحافیوں سے گفتگو کرتے ہوئے رانا تنویر حسین کا کہنا تھا کہ مسلم لیگ ن واحد سیاسی پارٹی ہے جو ملک اور قوم کی خدمت کر رہی ہے، شاہد خاقان عباسی کو اپنی پارٹی میں ہی رہنا چاہیے جس نے اسے عزت دی اور وزیراعظم بنایا۔ انہوں نے کہا کہ میاں محمد نواز شریف کی وطن واپسی پر تاریخی استقبال کیا جائے گا۔ سینئر مسلم لیگی رہنما کا کہنا تھا کہ الیکشن کمیشن نے حلقہ بندیوں پر اپنی گائیڈ لائن سے انحراف کیا، حلقہ بندیوں پر تحفظات ہیں، درست کروانے کی پوری کوشش کریں گے۔
یہ بھی پڑھیں:اسحاق ڈار کا ”یوٹرن “ایسی بات کہہ دی کہ ووٹ کو عزت دو کا بیانیہ مٹی میں مل جائے
