راولپنڈی(مانیٹرنگ ڈیسک)مختلف مقامات پر دہشتگردوں سے دو جھڑپوں میں مطلوب دہشتگرد سرغنہ مارا گیا ،پاک فوج کے لانس نائیک شہید ہوگئے۔
پاک فوج کے شعبہ تعلقات عامہ کے مطابق سیکیورٹی فورسز نے 28 اور 29 ستمبر کی شب مردان کے علاقے کاٹلنگ میں اینٹیلی جنس پر مبنی آپریشن کیا، دو طرفہ فائرنگ میں انتہائی مطلوب دہشت گردوں کا سرغنہ فیصل ہلاک ہوگیا، ہلاک دہشت گرد دہشت گردی کی متعدد کارروائیوں میں ملوث اور قانون نافذ کرنے والے اداروں کو انتہائی مطلوب تھا، جس کے قبضے سے اسلحہ اور گولہ بارود بھی برآمد ہوا ہے۔
ضلع کرم کے علاقے پاراچنار میں دہشت گردوں کے ساتھ ایک اور مقابلے میں سیکیورٹی فورسز نے دہشت گردوں کے ٹھکانے کو نشانہ بنایا۔ فائرنگ کے دوران لانس نائیک غیرت خان بہادری سے لڑتے ہوئے شہید ہو گئے ۔
یہ بھی پڑھیں : ”افغان طالبان ٹی ٹی پی کے لاجسٹک سپورٹر“امریکی نمائیندہ خصوصی کا انکشاف
