اسلام آباد(نیوز رپورٹر) ملک بھر میں آج( جمعہ) جشن عید میلاد النبیﷺ پورے جوش و خروش سے منایا جائے گا،ملک بھر میں جشن عید میلاد النبیﷺ کی آمد، پورے ملک میں چراغان ، گلیاں محلے سج گئے جبکہ ہر سو درود و سلام کی صدائیں بلند ہو رہی ہیں،سرور کائنات حضرت محمد مصطفیﷺ کی آمد آمد ہے جبکہ ملک کے مختلف شہروں میں عاشقانِ رسولﷺ نے گھروں اور گلیوں کو برقی قمقموں سے سجا دیا ہے،جشن عید میلادالنبیﷺ کے سلسلے میں شہر بھر کی مساجد، عمارتوں اور شاہراہوں کو بھی سبز پرچموں اور برقی قمقموں سے سجایا گیا ہے،عاشقان رسول خانہ کعبہ اور مسجد نبویﷺ کے خوبصورت ماڈلز بنا کر سرور کائنات سے اظہار عقیدت کر رہے ہیں،علما کرام کا کہنا ہے کہ حضرت محمد مصطفی ﷺسے عقیدت و محبت کا تقاضا ہے کہ آپﷺ کی سیرت طیبہ کا محض ذکر ہی نہ کیا جائے، بلکہ آپ ﷺ کی تعلیمات پر عمل کر کے ہی انسان دنیا اور آخرت میں سرخرو ہوسکتا ہے۔
