اسلام آباد(سٹاف رپورٹر)ملک میں فوج اور آرمی چیف کے کردار کے تعین کے لیے سپریم کورٹ میں درخواست دائر کردی گئی۔
یہ بھی پڑھیں:بشری بی بی کا آڈیو لیک کیس،اسلام آباد ہائی کورٹ سے بڑی خبر آگئی
”پاکستان ٹائم“کے مطابق سپریم کورٹ میں راجہ ارشاد نامی شہری کی جانب سے آئین کے آرٹیکل 184(3) کے تحت درخواست دائر کی گئی جس میں وفاقی حکومت، وزیراعظم اور آرمی چیف کو فریق بنایا گیا ہے۔عدالت عظمیٰ میں دائر دارخواست میں استدعا کی گئی کہ سپریم کورٹ آئین کے تحت آرمی چیف کے ملکی معاملات میں کردار اور اختیارات اور حلف کی تشریح کرے، سپریم کورٹ ملک میں آئینی حکومت نہ ہونے کی وجہ ملک میں قیاس اور انارکی کی صورتحال ڈکلئیر کرے۔درخواست میں یہ بھی استدعا کی گئی کہ سپریم کورٹ تمام فریقین کو ملک میں آئینی حکومت یقینی بنانے کے احکامات دے۔درخواست گزار نے مو¿قف اختیار کہا کہ فوج کو بدنامی سے بچانا ملکی مفاد میں ہے، فوج کی اعلیٰ قیادت اور ملکی ایجنسی پر حکومتوں کو غیرمستحکم اور انتخابات پر اثر انداز ہونے کے الزامات سنجیدہ ہیں۔
یہ بھی پڑھیں:ایڈیشنل ججز کی تعیناتی کا کیس، جسٹس اطہر من اللہ کا اختلافی نوٹ جاری
