اسلام آباد(کورٹ رپورٹر)اسلام آباد ہائیکورٹ نے سابق وزیر اعظم عمران خان کی اہلیہ بشری بی بی کا آڈیو لیک کیس سابق چیف جسٹس ثاقب نثار کے بیٹے کے ساتھ یکجا کر دیا۔
یہ بھی پڑھیں:ایڈیشنل ججز کی تعیناتی کا کیس، جسٹس اطہر من اللہ کا اختلافی نوٹ جاری
بشری بی بی کی آڈیو لیکس طلبی نوٹس کے خلاف درخواست پر سماعت اسلام آباد ہائیکورٹ کے جسٹس بابر ستار کی عدالت میں ہوئی،وفاق کی جانب سے ایڈیشنل اٹارنی جنرل منور اقبال دوگل اسلام آباد ہائیکورٹ میں پیش ہوئے،ایڈیشنل اٹارنی جنرل نے موقف اختیار کیا کہ پولیس نے ایف آئی اے کو بشری بی بی کا وائس سیمپل لینے کے لیے کہا، ایف آئی اے نے پولیس کی درخواست پر بشری بی بی کو سمن جاری کیا،عدالت نے بشری بی بی کا کیس سابق چیف جسٹس ثاقب نثار کے بیٹے کے کیس کے ساتھ یکجا کر دیا،عدالت نے بشری بی بی کا کیس آڈیو لیکس کے خلاف ان کی مرکزی درخواست کے ساتھ یکجا کیا،عدالت نے ایف آئی اے کے سمن معطلی کے حکم میں توسیع کرتے ہوئے کیس کی سماعت 30 اکتوبر تک ملتوی کر دی۔
یہ بھی پڑھیں:سراج الحق نے نگران حکومت کو آڑے ہاتھوں لیتے ہوئے ’اوقات ‘یاد دلا دی
