اسلام آباد(سٹاف رپورٹر)سیکریٹری پاور ڈویژن راشد لنگڑیال نے بجلی چوروں سے 10 ارب 16 کروڑ کی ریکوری کا دعوی کر دیا۔
یہ بھی پڑھیں:رانا ثنا اللہ نے ایسی بات کہہ دی کہ انہیں خود ہی ہنسی آ جائے
سماجی رابطے کی ویب سائٹ پر ایک بیان میں راشد لنگڑیال نے انسداد بجلی چوری سے متعلق مختلف ڈسکوز کی مہم کے اعداد و شمار جاری کیے۔انہوں نے بتایا کہ وزیر اعظم کی بجلی چوری کنٹرول مہم کے دوران سیپکو،حیسکو اور پیسکو کی کارروائیوں میں تیزی آئی ہے۔سیکریٹری پاور ڈویژن نے دعوی کیا کہ بجلی چوروں سے گزشتہ 10 دن میں 8 ارب جبکہ مجموعی طور پر 10 ارب 16 کروڑ روپے وصول کر لیے ہیں۔ان کا کہنا تھا کہ اب تک بجلی چوری کے خلاف کارروائیوں میں 17 ہزار 646 مقدمات درج کیے گئے جبکہ 3 ہزار 186 افراد کو گرفتار کیا گیا۔
