لاہور (مانیٹرنگ ڈیسک) وزیراعلیٰ پنجاب محسن نقوی سے نیزہ بازی کے عالمی مقابلے میں سلور میڈل جیتنے والے کھلاڑی ارشد ندیم کی ملاقات،وزیراعلیٰ نے ارشد ندیم کو 30لاکھ روپے کا چیک دیا۔
وزیراعلیٰ نے کہا کہ کم وسائل کے باوجودپاکستانی نوجوان کھلاڑیوں کی صلاحیت ہر قسم کے شک و شبہ سے بالاتر ہے،آپ نے ورلڈ ایتھلیٹک چیمپن شپ میں سلور میڈل لیکر پاکستان کا نام روشن کیا،شاباش ارشدندیم شاباش،ہمیں آپ پر فخر ہے۔ارشد ندیم نے اس موقع پر کہا کہ ورلڈ ایتھلیٹک چیمپن شپ میں بہت کم مارجن سے دوسرے نمبر پر آنا یاد گارلمحہ تھا،پاکستان کیلئے گولڈ میڈل حاصل کرنا میرا ہدف ہے،حوصلہ افزائی پر وزیراعلیٰ محسن نقوی اورحکومت پنجاب کا شکر گزار ہوں۔وزیراعلیٰ نے ارشد ندیم کی درخواست پر میاں چنو ں سٹیڈیم کیلئے فنڈز فراہم کرنے کا اعلان بھی کیا ۔اس موقع پر ڈاکٹر جاوید کرم،عامرمیر،اظفر علی ناصر،منصور قادر،صوبائی مشیر وہاب ریاض،سیکرٹری سپورٹس،سیکرٹری انفارمیشن،ڈی جی سپورٹس اوردیگر حکام بھی موجود تھے۔
یہ بھی پڑھیں : پی ٹی آئی خواتین کی رہائی کے بعد پھر گرفتاری
