اسلام آباد(مانیٹرنگ ڈیسک) سابق وفاقی وزیر اطلاعات و نشریات محمد علی درانی نے کہا ہے کہ پاکستان تحریک انصاف کی موجودہ قیادت ٹکرا نہیں، مصالحت چاہتی ہے،عمران خان یہ نہیں چاہیں گے کہ کسی کو لکیر مار کر باہر نکال دیا جائے، عمران خان یہ بھی نہیں چاہیں گے کہ کو مائنس ون کیا جائے، یہ ظاہر ہے کوئی بھی جماعت ایسا نہیں چاہے گی۔ نجی ٹی وی پروگرام میں گفتگو کرتے ہوئے محمد علی نے کہا کہ جہاں بھی جاتا ہوں، وہاں عوام کی پریشانی دیکھتا ہوں، عوام کی خواہش دیکھتا ہوں تو پتا چلتا ہے کہ عوام یہ چاہتے ہیں کہ ملک میں ٹکرا وکی کیفیت کم ہو اور عوام سمجھتے ہیں کہ ان کی مشکلات میں بھی اس ٹکرا کی کیفیت میں کمی سے ہی ہوگی۔ ان کاکہناتھاکہ تحریک انصاف کی موجودہ قیادت ٹکرائوبالکل نہیں چاہتی، وہ مصالحت چاہتے ہیںجو ایک مثبت سوچ موجود ہے جس کے نتیجے میں مجھے امید ہے وہ راستے نکلیں گے جو ملک کو اس وقت درپیش مسائل سے نکالیں گے،میری عمران خان سے ملاقات نہیں لیکن جن لوگوں کی چیئرمین پی ٹی آئی کے ساتھ ملاقات ہوئی ان کے مطابق عمران خان سمیت ہر ایک سے ہر سطح پر بات چیت کے لیے تیار ہیں، عمران خان کا کہنا ہے کہ ہر ایشو پر بات چیت ہو سکتی ہے، تحریک انصاف کی موجودہ قیادت یہ سمجھتی ہے کہ ٹکرا والے جو لوگ تھے وہ تو چلے گئے ہیں۔
یہ بھی پڑھیں:جو ڈالر ہاتھ نہیں آرہا تھا وہ ہاتھ آگیا ہے،گورنر سندھ کامران ٹیسوری
