اسلام آباد (نیوز رپورٹر )ملک بھر میں سمگلنگ اور ذخیرہ اندوزوں کیخلاف جاری کریک ڈاون میں تیزی آ گئی۔
ذرائع کے مطابق ڈالر برآمدگی کےلیے وفاقی تحقیقاتی ایجنسی (ایف آئی اے)اور حساس ادارے نے اب مافیاز کے گھروں پر چھاپہ مارنے کا فیصلہ کر لیا ہے،ایکسچینج کمپنیز سے حاصل ڈیٹا کی مدد سے گھروں کی نشاندہی کی جائے گی۔ایف آئی اے اور حساس ادارے گھروں پر ٹارگٹڈ چھاپہ مار کارروائی کریں گے،گھروں میں ڈالرز چھپانے والوں کو گرفتاری اورجیل میں قید کی سزائیں ملے گی۔یاد رہے کہ ڈالرمافیا کے خلاف جاری کریک ڈاون سے ابتک ڈالر 31 روپے سستا ہو چکا ہے۔دوسری جانب ایف آئی اے نے حوالہ ہنڈی میں ملوث افراد کیخلاف منڈی بہاو الدین میں کارروائیوں کے دوران 2 ملزمان کو گرفتار کر لیا۔ترجمان کے مطابق ملزمان کے قبضے سے ایک ہزار ترکش لیرا،700سعودی ریال،300 یورو، ملائشین اور چائنیز یان،سمیت 13 لاکھ روپے پاکستانی کرنسی برآمد کر لی گئی۔ملزمان کیخلاف تھانہ ایف آئی اے گوجرانوالہ میں مقدمات درج کر لیے گئے۔
یہ بھی پڑھیں:منشیات سے بھرا ٹرک پکڑا گیا،چار سمگلر گرفتار
