نیب ترامیم پر عدالتی فیصلے کے باوجود نواز شریف پاکستان آ رہے ہیں،عرفان صدیقی بھی بول پڑے

اسلام آباد (سٹاف رپورٹر )پاکستان مسلم لیگ ن کے رہنما سینیٹر عرفان صدیقی نے کہا ہے کہ نیب ترامیم ختم کرنے کے عدالتی فیصلے کے باوجود نواز شریف کی 21 اکتوبر کو پاکستان آمد کے پروگرام پر کوئی اثر نہیں پڑے گا۔

یہ بھی پڑھیں:حکومت جواب دے ورنہ انٹیلی جنس ایجنسیوں کو۔۔۔۔اسلام آباد ہائی کورٹ نے آڈیو لیکس کیس میں تہلکہ خیز حکم جاری کر دیا
پاکستان ٹائم کے مطابق اپنے ایک بیان میں سینیٹر عرفان صدیقی کا کہنا تھا کہ نوازشریف 21 اکتوبر کو آ رہے ہیں، انتخابات میں مسلم لیگ ن کا بیانیہ اس کی کارکردگی ہو گی،پیپلز پارٹی 2013 نہیں 1985 میں ہی پنجاب سے فارغ ہو گئی تھی، 2013 کے انتخابات میں آصف زرداری صدر،کیانی آرمی چیف اور نگران حکومت پیپلز پارٹی کی نامزد کردہ تھی۔انتخابات کے دوران دور دور تک مسلم لیگ ن کی مدد کرنے والا کوئی نہیں تھا، 1988، 1990، 1993، 1997 اور 2008 کے انتخابات میں پیپلز پارٹی کو پنجاب میں شکست ہوئی تھی۔عرفان صدیقی کا کہنا ہے کہ سمجھ نہیں آتا بلاول بھٹو نے کیسے کہہ دیا 2013 میں پیپلز پارٹی کو پنجاب سے بیدخل کرنے کی منصوبہ بندی کی گئی تھی۔موجودہ نگران حکومت پر تنقید سے ممکن ہے پیپلز پارٹی قیادت ممکنہ شکست کی پیش بندی کر رہی ہو،انتخابات کے دوران سیاسی جماعتوں کے درمیان گرما گرمی ہوتی رہتی ہے۔

یہ بھی پڑھیں:”اب خاموشی موت ہے،حق کے لیے گھر وں سے نکلنا ہو گا “سراج الحق نے پاکستانی قوم کو جھنجھوڑ دیا