اسلام آ باد (سٹاف رپورٹر )گھروں کی تعمیر کے لئے بینکوں کی جانب سے قرضہ جات کے اجرا میں جولائی کے دوران سالانہ بنیادو ں پر 4.8 فیصد کی نمو ریکارڈ کی گئی ہے۔
یہ بھی پڑھیں:مہنگائی نے اخراجات بڑھا دیے،جامعات نے فیسوں میں اضافہ کر دیا
سٹیٹ بینک کی جانب سے اس حوالے سے جاری کر دہ اعداد و شمار کے مطابق گھروں کی تعمیر کے لئے بینکوں کی جانب سے جولائی میں صارفین کو 211 ارب روپے کے قرضہ جات فراہم کئے گئے جو جولائی 2022 کے مقابلہ میں 4.8 فیصد زیادہ ہے۔اعداد وشمار کے مطابق جولائی 2022 میں گھروں کی تعمیر کے لئے صارفین کو 201 ارب روپے کے قرضہ جات فراہم کئے گئے تھے۔جون کے مقابلہ میں جولائی میں گھروں کی تعمیر کے لئے قرضہ جات کے اجرا میں ماہانہ بنیادوں پر 0.6 فیصد کی کمی ریکارڈ کی گئی۔رپورٹ کے مطابق جون میں گھروں کی تعمیر کے لئے بینکوں کی جانب سے 212 ارب روپے کے قرضہ جات فراہم کئے گئے جو جولائی میں کم ہو کر 211 ارب روپے ہو گئے۔واضح رہے کہ جولائی کے دوران بینکوں کی جانب سے نجی شعبہ کو فراہم کردہ قرضہ جات کا حجم 7998 ارب روپے ریکارڈ کیا گیا ہے۔
یہ بھی پڑھیں:انٹربینک میں ڈالر کی قیمت میں اضافے کا سلسلہ بدستور جاری
