اسلام آباد (کامرس رپورٹر)پاکستان روس سے سالانہ 12لاکھ ٹن تیل خریدنے کا خواہشمند ہے، پاکستان کے روس سے تیل خریدنے پرامریکہ کوکوئی تحفظات نہیں ہیں،اس سلسلے میں روس سے ہرماہ ایک لاکھ ٹن تیل خریدنے کی ڈیل ہو رہی ہے اوراس سلسلے میں معاملات طے پا چکے ہیں جس کی تصدیق وزیر مملکت پیٹرولیم مصدق ملک نے بھی کردی۔ پاکستان ٹائم کے مطابق اپنے ایک انٹرویو میں مصدق ملک نے تبایا کہ ملک میں سب سے زیادہ 1500ایم ایم سی ایف ڈی گیس فرٹیلائزرکھاجاتے ہیں، فرٹیلائزر سیکٹرزکے سستی گیس کے معاہدوں کی میعاد ختم ہورہی ہے ،فرٹیلائزرزکوگیس فراہم کرنے کے نئے معاہدے نئی شرائط پر ہوں گے، صنعتوں کوسستی ایل این جی فراہم کرنے کی نئی پالیسی متعارف کرارہے ہیںاور اس کیلئے صنعتکاروں سے ملاقات کا شیڈول طے پاگیا ہے،ملک میں پیڑول اور ڈیزل کی بڑے پیمانے پراسمگلنگ جاری ہے، جس سے پاکستان کو 120 ارب روپے کا نقصان ہورہا ہے۔
یہ بھی پڑھیں : پاکستانی آم کی ایران ایکسپورٹ خطرے سے دوچار
