اسلام آباد (مانیٹرنگ ڈیسک) ”عدالت کسی بھی نئے مقدمہ میں گرفتاری سے روکنے کا حکم جاری کرے“تحریک انصاف کے چیئرمین عمران خان نے اسلام آباد ہائیکورٹ میں درخواست دیدی۔
عمران خان نے مقدمات کی تفصیلات کی فراہمی کے لیے اسلام آباد ہائی کورٹ سے رجوع کرلیا ،ان کی جانب سے دائر درخواست میں استدعا کی گئی کہ گزشتہ 30 روز کے دوران درج مقدمات کی تفصیلات فراہم کی جائیں،عدالت کسی بھی نئے مقدمے میں گرفتاری سے روکنے کا حکم جاری کرے، نئے مقدمات میں متعلقہ فورم سے رجوع کرنے تک گرفتاری سے روکا جائے،درخواست میں سیکریٹری داخلہ ، آئی جی اسلام آباد اور ایف آئی اے کو درخواست میں فریق بنایا گیا ہے۔
یہ بھی پڑھیں : ”مجھے بھی انصاف چاہیے“توشہ خانہ کیس کے جج کی” دہائی“
