لاہور (وقائع نگار )مسلسل ہونیوالی بارشوں اور پانی کی سطح بلند ہونے کے بعد دریائے راوی سے پانی لاہور کے مضافاتی علاقے میں داخل ہوگیا جس سے چوہنگ کے گاو¿ں میں کھڑی فصلیں زیرِ آب آگئیں۔ مقامی ذرائع کے مطابق گاو¿ں نانوں ڈوگر میں دریا کا پانی داخل ہونے سے کھڑی فصلیں زیر آب آگئیں اور پانی کے بہاو میں مسلسل اضافہ ہو رہا ہے۔ علاقہ مکینوں کاخیال ہے کہ ہیڈ بلوکی کے مقام پر پانی کا اخراج کم ہونے کی وجہ سے یہاں پانی کا دباو¿ بڑھنے سے زمینیں زیر آب آگئیں۔ متاثرین نے حکومت سے علاقہ مکینوں کے مطابق گاو¿ں کے لوگوں نے اپنی مدد آپ کے تحت بند باندھا جو ٹوٹ گیا ہے، ابھی تک کوئی حکومتی نمائندہ اور ریسکیو ٹیمیں یہاں نہیں پہنچیں۔ متاثر گاو¿ں کے لوگوں نے حکومت سے اپیل کی ہے کہ انہیں محفوظ مقامات پر منتقل کرنے کے لیے فوری طور پر امدادی سرگرمیاں شروع کی جائیں۔
یہ بھی پڑھیں:عمران خان کے 27سالہ قریبی ساتھی نے تحریک انصاف چھوڑنے کا اعلان کر دیا
