ملک میں مہنگائی کا رونا لیکن ٹریکٹروں کی فروخت میں کمی ہوئی یا اضافہ؟ جواب اندازوں سے کہیں مختلف

حیدرآباد(کامرس رپورٹر)ملک میں ٹریکٹروں کی فروخت میں گزشتہ مالی سال کے دوران سالانہ بنیادوں پر48فیصد کمی ریکارڈ کی گئی،گزشتہ سال جون میں ملک میں 7ہزار590یونٹس زرعی ٹریکٹروں کی فروخت ریکارڈ کی گئی جو رواں سال جون میں کم ہوکر2ہزار990یونٹس ہوگئی۔

یہ بھی پڑھیں:”آئی ایم ایف کو بڑی مشکل سے رام کیا،پاکستان ترقی کی راہ پر چل پڑا،الیکشن کے بعد نئی حکومت فیصلے کرے گی“
آل پاکستان آٹومینوفیکچررز ایسوسی ایشن کے اعدادوشمارکے حوالے سے بتایا گیا ہے کہ گزشتہ مالی سال میں ملک میں 30 ہزار942یونٹس زرعی ٹریکٹروں کی فروخت ریکارڈ کی گئی جو گزشتہ سے پیوستہ مالی سال کی اسی مدت کے مقابلے میں 48فیصد کم ہے۔مالی سال 2022 میں ملک میں 58ہزار947یونٹس ٹریکٹروں کی فروخت ریکارڈ کی گئی تھی۔ جون میں ملک میں 2ہزار990یونٹس ٹریکٹروں کی فروخت ریکارڈ کی گئی جو مئی کے 3ہزار508یونٹس کے مقابلے میں 15فیصد کم ہے۔