اسلام آباد (مانیٹرنگ ڈیسک) سپریم کورٹ میں وکلا کی جعلی ڈگریوں اور انرولمنٹ کے کیس کی سماعت ،وائس چانسلر اسلامیہ یونیورسٹی بہاولپور کو ریکارڈ سمیت طلب کر لیا گیا ۔
نجی ٹی وی کے مطابق سپریم کورٹ نے وکلا جعلی ڈگری کیس میں وی سی کو ذاتی حیثیت میں پیش ہونے کا حکم دیتے ہوئے کہا کہ اپنے ساتھ لا کالج کا ریکارڈ بھی لائیں ،عدالت نے ایف آئی اے سے بھی کیس کی تفتیش میں پیشرفت پر رپورٹ طلب کر لی ،عدالت نے تمام صوبائی بار کونسلز سے بھی رپورٹس طلب کر لی ہیں ۔
