سٹاک ہوم(مانیٹرنگ ڈیسک) ناروے کے رکن پارلیمنٹ کو ائیرپورٹ کی ایک دکان پردھوپ کا چشمہ چراتے ہوئے رنگے ہاتھوں پکڑ لیا گیاجس پر سزا کے علاوہ رکن پارلیمنٹ کو معافی بھی مانگنا پڑگئی ۔
غیرملکی میڈیا کے مطابق ناروے کی پارلیمنٹ کے رکن بجورنر موکسنیس پارٹی ریڈ کے سربراہ ہیں،چشمہ چوری کرنے پر 41سالہ موکسنیس کو 3ہزار نارویجن کرونز جرمانہ کی سزا دی گئی ۔ سی سی ٹی وی فوٹیج میں چوری کا انکشاف ہونے پر سٹور انتظامیہ نے سیکورٹی کو طلب کیا تھا۔
رکن پارلیمنٹ کا کہنا تھا کہ ان کا ارادہ چوری کا نہیں تھا بلکہ چشمہ غلطی سے اپنے سامان میں رکھ لیا تھا،انتظامیہ نے ان کی بات کو تسلیم نہ کرتے ہوئے جرمانہ عائد کیا۔
