نابلس(مانیٹرنگ ڈیسک) اسرائیلی فوج نے سرچ آپریشن کے دوران مغربی کنارے میں ایک گھر پر اندھا دھند فائرنگ کر کے 2 فلسطینی نوجوانوں حمزہ مقبول اور خیری شاہین کو شہید کر دیا۔
عالمی خبر رساں ادارے کے مطابق نابلس میں چھاپہ مار کارروائی کے دوران اسرائیلی فوج ایک گھر میں زبردستی داخل ہوگئی اور
دو نوجوانوں کو فائرنگ کر کے شدید زخمی کردیا ۔فلسطینی ہلال احمر سوسائٹی کی جانب سے جاری بیان میں کہا گیا ہے کہ نوجوانوں کو اسپتال لایا گیا لیکن زیادہ خون بہہ جانے کے باعث وہ اسپتال پہنچنے سے پہلے ہی دم توڑ چکے تھے ۔
