لاہور(سپورٹس ڈیسک) قومی ٹیم کے فاسٹ باولر شاہین شاہ آفریدی نے بھارت میں ہونے والے ون ڈے ورلڈکپ جیتنے کا خواب آنکھوں میں سجا لیا۔انہوں نے کہا کہہمیں صرف بھارت بمقابلہ پاکستان میچ پر سوچنا اور توجہ مرکوز کرنا چھوڑ دینا چاہیے کیونکہ یہ صرف ایک کھیل ہے۔
”پاکستان ٹائم” کے مطابق بھارت اور پاکستان کے درمیان انتہائی انتظار کا مقابلہ احمد آباد کے نریندرا مودی سٹیڈیم میں ہوگا اور مردوں کے ورلڈ کپ میں دونوں فریقوں کے درمیان آٹھواں مقابلہ ہوگا۔بھارت اور پاکستان اس سے قبل 7 بار آمنے سامنے ہو چکے ہیں ، 1992، 1996، 1999، 2003، 2011، 2015 اور 2019 میں ایک دوسرے کے مد مقابل آ چکے ہیں۔قومی ٹیم کے فاسٹ باولر نے ایک انٹرویو میں کہا کہ ہمیں صرف بھارت بمقابلہ پاکستان میچ پر سوچنا اور توجہ مرکوز کرنا چھوڑ دینا چاہیے کیونکہ یہ صرف ایک کھیل ہے۔ ہمیں ورلڈ کپ جیتنے کے طریقے پر اپنی سوچیں مرکوز کرنے کی ضرورت ہے اور بحیثیت ٹیم ہمارا مقصد یہی ہوگا۔
خیال رہے کہ شاہین کی سری لنکا کے خلاف رواں ماہ شروع ہونے والی دو ٹیسٹ میچوں کی سیریز کے لیے بھی پاکستانی ٹیم میں واپسی ہوئی ہے۔ قومی ٹیم کے فاسٹ باولر نے آخری بار پاکستان کے لیے تقریبا ایک سال قبل ٹیسٹ میچ کھیلا تھا اس سے پہلے کہ وہ گھٹنے کی انجری کا شکار ہو گئے، جس کی وجہ سے وہ چند ماہ تک ایکشن سے باہر رہے۔
یہ بھی پڑھیں:پاکستان کو بھارت سے کہیں بھی کھیلنے میں کوئی مسئلہ نہیں،عبدالرزاق کا موقف بھی آگیا
