آسام (کرائم رپورٹر)پڑوسی ملک بھارت کی ریاست آسام میں آٹھویں جماعت کی طالبہ کو زیادتی کے بعد قتل کردیا گیا جس کی لاش دریا سے مل گی ۔
بھارتی میڈیا کے مطابق آسام پولیس نے لڑکی کو زیادتی کے بعد قتل کیے جانے کی تصدیق کردی اور کہاکہ واقعہ کمروپ ضلع کے علاقے گووہاٹی میں پیش آیا ۔پولیس کے مطابق لڑکی ایک ہفتہ قبل موبائل چارج کرانے کا بول کر گھر سے گئی اور لاپتا ہوگئی، بعدازاں اس کی لاش سوناپور میں دریا سے برآمد ہوئی، اس سلسلے میں ایک شخص کو حراست میں لیا گیا جو رکشہ ڈرائیور ہے جس نے دوران تفتیش اپنے جرم کا اعتراف کیا ہے۔
