نیویارک(مانیٹرنگ ڈیسک)وائٹ ہاوس نے امریکی صدر جو بائیڈن کے چہرے پر نظر آنے والے پراسرار نشان کی وجہ بتاتے ہوئے خاموشی توڑ دی ہے۔
غیر ملکی میڈیا کے مطابق وائٹ ہاوس نے صدر جو بائیڈن کے چہرے پر نظر آنے والے ایک پراسرار نشان کے بارے میں گردش کرنے والی قیاس آرائیوں پر ردِعمل دے دیا ہے۔اس معاملے پر ڈپٹی پریس سکریٹری اینڈریو بیٹس کا کہنا ہے کہ جو بائیڈن نے سوتے ہوئے خراٹوں کو روکنے پرسکون نیند لینے کے لیے ایک CPAP ڈیوائس کو پہننا شروع کیا ہے، اس ڈیوائس میں ایک پٹی کے ساتھ ایک ماسک لگا ہوتا ہے جسے منہ پر پہنا جاتا ہے۔
واضح رہے کہ گزشتہ ہفتے رپورٹرز نے جو بائیڈن کے چہرے پر ایک پر اسرار سے نشان کو نوٹس کیا تھا اور گزشتہ روز بھی ویسا ہی نشان امریکی صدر کے چہرے پر اس وقت دیکھا گیا جب وہ شکاگو میں اقتصادی تقریر کرنے کے لیے وائٹ ہاوس سے روانہ ہوئے۔
یہ بھی پڑھیں:”سائفر بیانیہ سپر پاور کی چھیڑ بن گیا“،امریکہ کی ایک بار پھر سختی سے تردید
