ریاض (نمائندہ خصوصی ) حج سیزن کے دوران مکہ مکرمہ کی تمام چھوٹی بڑی مساجد میں نمازِ جمعہ کی اجازت دے دی گئی، شہر میں قائم تمام چھوٹی اوربڑی مساجد میں 16 جون سے حج سیزن کے اختتام تک نماز جمعہ پڑھائی جائے گی ۔
سعودی وزیر اسلامی امور ڈاکٹر عبداللطیف آل الشیخ نے بتایا کہ یہ اقدام لاکھوں عازمین کی سہولت کے لیے کیا گیا ہے، اجازت ملنے سے عازمین کو حرم تک آمد و رفت کی پریشانی نہیں ہوگی ۔یہاں یہ امر بھی قابل ذکر ہے کہ نمازِ جمعہ مسجد الحرام میںہی ادا کی جاتی ہے تاہم مسجد الحرام سے دور جامع مساجد میں بھی اس کا اہتمام کیا جاتا ہے۔
