لاہور(کورٹ رپورٹر)سموگ کے تدارک سے متعلق کیس میں جسٹس شاہد کریم نے ٹریفک پولیس سے جھگڑا کرنیوالوں کیخلاف مقدمات درج کرنے کا حکم دیتے ہوئے کہا کہ بدتمیزی پر کوئی نرمی نہ برتی جائے چاہے وہ میرا ہی بیٹا کیوں نہ ہو۔
مزید پڑھیں: شیخ وقاص اکرم کے گرد بھی گھیرا تنگ،جھنگ میں مقدمہ درج
”پاکستان ٹائم“ کے مطابق لاہور ہائیکورٹ میں سموگ کے تدارک سے متعلق کیس کی سماعت ہوئی،عدالت نے ٹریفک پولیس سے جھگڑا کرنیوالوں کیخلاف مقدمات درج کرنے کا حکم دیدیا، جسٹس شاہد کریم نے کہاکہ بدتمیزی کرنیوالوں کو جرمانہ کریں اور مقدمات درج کئے جائیں۔عدالت نے تعلیمی اداروں کے گرانڈز میں تعمیرات پر پابندی عائد کردی ،جسٹس شاہد کریم نے کہاکہ سینئر افسر اتنے کمزور ہیں کہ لوگ پولیس والوں سے جھگڑتے ہیں ،بدتمیزی پر کوئی نرمی نہ برتی جائے چاہے وہ میرا ہی بیٹا کیوں نہ ہو، ترقی یافتہ ممالک میں جائیں تو کسی کی جرات نہیں کہ وہ پولیس سے جھگڑ سکے، ہمیں جھوٹ اور جعلی رپورٹس کے ذریعے کا سامنا کرنا پڑ رہا ہے۔عدالت نے کیس کی سماعت9 جون تک ملتوی کر دی۔
