کوئٹہ( ہیلتھ رپورٹر)بلوچستان کے متعدد اضلاع ایک بار پھر کانگو وائرس کی لپیٹ میں آگئے ہیں جہاں وائرس کے نتیجے میں خواتین اور بچوں سمیت چھ افراد جاں بحق ہو چکے ہیں۔
پاکستان ٹائم کے مطابق صوبے میں رواں سال کے دوران کانگو وائرس کے 35 کیسز رپو ر ٹ ہوئے ہیں، یہ پہلی بار نہیں کہ بلوچستان میں کانگو وائرس کی وبا پھوٹی ہے بلکہ 80 کی دہائی کے آخر اور 90 کی دہائی کے وسط میں بھی اس وبا سےدرجنوں قیمتی جانوں کا ضیاع ہوا۔ صوبائی حکومت کی اس وائرس کے پھیلاؤ اور روک تھام کے حوالے سے دلچسپی کا اندازہ اس بات لگایا جاسکتا ہے کہ صوبے میں چار دہائیوں سے کوئی ریسرچ سیل ہی قائم نہ ہو سکا۔
