تہران(مانیٹرنگ ڈیسک)ایران نے نیا بیلسٹک میزائل نمائش کے لیے پیش کردیا۔
ایران کی سرکاری خبر ایجنسی کی رپورٹ کے مطابق تہران میں مقامی طور پر تیار کردہ نئے بیلسٹک میزائل کی رونمائی کے لیے خصوصی تقریب منعقد کی گئی، فورتھ جنریشن کے بیلسٹک میزائل کا نام خیبر رکھا گیا ہے، بیلسٹک میزائل دو ہزارکلو میٹر فاصلے تک مار کرنے کی صلاحیت رکھتا ہے،رپورٹ کے مطابق نیا بیلسٹک میزائل 1500کلو وزنی وار ہیڈ لے جانے کی صلاحیت رکھتا ہے اور اسے ایرانی وزارت دفاع کی ایرو اسپیس انڈسٹریز آرگنائزیشن نے تیار کیا ہے۔ایران جس کا مشرق وسطیٰ میں سب سے بڑا میزائل پروگرام ہے کا کہنا ہے کہ یہ میزائل اسرائیل اور امریکی اڈوں کو نشانہ بنانے کی صلاحیت رکھتا ہے۔امریکہ اور یورپی ممالک کی مخالفت کے باوجود ایران کا کہنا ہے وہ اپنے دفاعی پروگرام میں مزید وسعت لائے گا ۔
