ریاض(مانیٹرنگ ڈیسک)سعودی عرب کے شہر ریاض میں پہلے انگریزی ریڈیو سٹیشن کا افتتاح کر دیا گیا۔
عرب میڈیا کی ایک رپورٹ کے مطابق ریاض میں منعقدہ ایک تقریب میں سعودی عرب کے پہلے انگریزی ریڈیو سٹیشن کا افتتاح کیا گیا،تقریب میں لائیو میوزک اور موسیقی کا بھی اہتمام کیا گیا تھا۔انگریزی ریڈیو سٹیشن کی افتتاحی تقریب کا انعقاد ایف ایم دی ایم بی سی لاڈ کی جانب سے کیا گیا تھا جس میں مشہور شخصیات سمیت انفلونسرز نے بھی شرکت کی،ایم بی سی لاڈ کے چیف ایگزیکٹو آفیسر(سی ای او )کا کہنا ہے کہ یہ سعودی عرب میں ایک نئے مرحلے کا آغاز ہے،ہمارے پاس انگریزی بولنے والے بہت سے سعودی نوجوان ہیں اس کے علاوہ نئی ملازمت کیلئے غیر ملکی نوجوان بھی آرہے ہیں جو نئے شعبوں میں نئے ساتھیوں کے ساتھ کام کر رہے ہیں،ایف ایم ریڈیو انگریزی بولنے والے نوجوانوں اور افراد کیلئے مختلف پروگرام پیش کرے گا۔میڈیا رپورٹس کے مطابق یہ نشر ہونے والا پہلا سٹیشن نہیں ہے،اس سے قبل سعودی آرامکو نے 1957میں مشرقی ریجن میں اپنے سٹیشن شروع کیے تھے جس میں انگریزی زبان کی پیشکش بھی شامل تھی۔
