لاہور(خصوصی رپورٹ)عالمی مالیاتی ادارے(آئی ایم ایف) کے بعد پیٹرول پمپس ڈیلرز ایسوسی ایشن نے بھی سستا پیٹرول سکیم کی مخالفت کرتے ہوئے کہا کہ وفاقی وزارت پیٹرولیم کی سکیم نا قابل عمل ہے۔
”پاکستان ٹائم“کے مطابق پیٹرول پمپس ڈیلرز ایسوسی ایشن کا کہنا ہے کہ حکومت نے سستا پیٹرول سکیم کو سات ہفتوں میں مکمل کرنے کا اعلان کیا ہے پمپس ایسوسی ایشن کو ادائیگی کے طریقہ کار پر تحفظات ہیں،بروقت ادائیگی مشکل اور سیکٹر نئے گردشی قرض کی لپیٹ میں آئے گا جبکہ ذرائع کے مطابق وزیر مملکت مصدق ملک نے ایسوسی ایشن کے عہدیداروں سے متعدد ملاقاتیں بھی کیں ہیں۔وزارت پیٹرولیم اور ایسوسی ایشن کے درمیان معاملہ تاحال حل طلب ہے لیکن وزارت پیٹرولیم نے معاملہ اوگرا کو بجھوا دیا ہے۔واضح رہے کہ حکومت نے چھوٹی گاڑیوں اور موٹر سائیکلز کیلئے سستے پیٹرول سکیم کا اعلان کر رکھا ہے جسے سات ہفتوں میں مکمل کرنے کا اعلان کیا گیا ہے۔
