راولپنڈی(سٹاف رپورٹر) محکمہ خوراک پنجاب کے حکام نے کارروائی کرتے ہوئے گندم اور آٹا افغانستان سمگل کرنے کی کوشش کو ناکام بناتے ہوئے 70 سے زائد کنٹینرز پکڑ لئے۔
”پاکستان ٹائم“ کے مطابق پنجاب فوڈ اتھارٹی نے آٹا اور گندم افغانستان سمگلنگ کی کوشش ناکام بنادی اور موٹروے پر آٹے اور گندم سے لدے 70 سے زائد کنٹینرز پکڑ لئے۔ڈسٹرکٹ فوڈ اتھارٹی نے بتایا کہ چیکنگ کے دوران گندم کے 46 ٹرک اور آٹے کے 16 ٹرک قبضے میں لے لئے گئے جبکہ افراد کے خلاف مقدمہ درج کر لئے گئے ہیں۔ترجمان کا کہنا تھا کہ پنجاب سے گندم اور آٹا غیرقانونی طور پرافغانستان سمگل کی جارہا تھا تاہم کنٹینرز کو سیل کر دیا گیا ہے، آپریشن میں پنجاب پولیس کی خصوصی ٹیم نے بھی حصہ لیا۔اس سے قبل پنجاب کابینہ نے 2023-24کے لیے گندم خریداری پالیسی کی منظوری دی تھی۔
