لاہور(وقائع نگار خصوصی)وزیر اعظم شہبازشریف سے ماڈل ٹاون میں پارٹی رہنماوں اور قانونی ماہرین نے ملاقات کی ہے۔
”پاکستان ٹائم“ کے مطابق وزیر اعظم شہباز شریف سے ماڈل ٹاون لاہور میں مسلم لیگ ن کی اعلی قیادت اور قانونی ماہرین نے ملاقات کی،جس میں ملکی سیاسی و آئینی صورتحال پر تبادلہ خیال کیا گیا۔ذرائع کے مطابق شہباز شریف سے ملاقات کرنے والوں میں وفاقی وزرا خواجہ سعد رفیق،سردار ایاز صادق،اعظم نذیر تارڑ، معاون خصوصی ملک احمد خان اور لیگی رہنما شزا فاطمہ شامل تھیں۔سابق وفاقی وزیر قانون زاہد حامد اور اٹارنی جنرل منصور عثمان اعوان نے بھی وزیر اعظم شہباز شریف سے تفصیلی ملاقات کی۔ذرائع کے مطابق شہباز شریف کی لیگی قیادت و قانونی ماہرین سے سپریم کورٹ میں زیر سماعت ایک ہی دن انتخابات کروانے کے کیس سے متعلق تفصیلی مشاورت ہوئی۔
